Corona Impact on Gold and Investment

सोन्याने 2006 पासून गुंतवणूकदारांना खूपच सुखाऊन टाकले आहे. कारण त्या आधी सुमारे दहा वर्षे सोन्याचे भाव हे भारतीय मूल्यात प्रति दहा ग्रॅम 3500 ते 4800 रुपये या भावपातळीदरम्यान होते. त्याचा परिणाम म्हणजे अनेकांना सोने, हे अर्थशास्त्रज्ञांच्या मते जशी डेड गुंतवणूक आहे, तशीच प्रत्यक्षातही ती डेड गुंतवणूक वाटू लागली होती. मात्र, 2006 नंतर सोन्याच्या भावात मोठी वध-घट सुरू झाली आणि त्याला अजाणतेपणी भारतातील अनेकांनी एमसीएक्स सुरू झाल्याने हा केवळ सट्टेबाजीचा परिणाम आहे, असे म्हणून सोडून दिले होते. प्रत्यक्षात सोन्याचे व्यवहारातील बारकावे दुर्लक्षिले होते.